對NBA有一定認識嘅朋友都知道，96年嘅NBA入選咗一批黃金球員；當屆狀元iverson以外仲有kobe、RayAllen、nash以及現今仲喺CBA效力嘅“馬政協”馬貝利....都係影響住 NBA 喺全球性發展嘅最重要一批球員。（亦都補充下，點解 96 新秀合照冇 IVERSON 身影，官方解說係：AI 當日因為私人問題未能出席合照。不過以小弟睇來，AI 擺明係 YO~YO 佬性格，中意玩個性，唔想影！） 而 1996 年嘅 NBA 全明星賽設計出一件歷史至今回頭率最高嘅一件波衫款，NBA 之神 jordan 喺當年作為客隊聯手；二哥pippen、penny仔、大鯊魚奧尼爾、大猩猩依榮、牙擦蘇米拿、魔鬼山希爾.....著住依件靚靚波衫出戰。 講咁多 NBA 96 年嘅事做咩？！~某日行街見冇咩做，就哨下 D 樓上鋪，點知見到一對未見過嘅 stance 襪款，作為執著又帶有戀物癖嘅處女座，全東南亞都知小弟係“襪癡”啦，見唔到仲好哋哋，stance 喔~未見過嘅靚款喔~仲用咗 96 年 NBA 全明星賽嗰件波衫嘅設計概念喔~做緊折喔~仲係最後一對喔~仲點忍到手啊~唔該~我要依對.....HA~~~~~~~~~~